Makusi Tabakalerako artxiboak artea, kultura eta sorkuntza garaikidearen harremandutako hainbat funtsa, bilduma eta eduki digital biltzen, kontserbatzen, babesten eta eskuragarri jartzen ditu, doan. Herritarrak informatu, hezi eta inspiratu nahi ditu Makusik, bertan jasoak dauden bildumei eta dokumentuei lotutako istorio eta esperientzia ezberdinak ulertzeko eta testuinguruan jartzeko.
Tabakaleraren ardura eta kezka bada bertan bereziki, eta ahal den neurrian, arte garaikidearekin harremanetan dauden funtsen geroratzea bermatzea. Hori da Makusi artxiboaren zergatia eta ondorioz, artxibo antolaketari dagozkion prozedura eta lan teknikoak bideratzen dira. Azken batean, egunerokotasunean sortzen diran eduki guzti hauek, kultur ondarea osatzen joaten dira eta.
Sortzera ere bultzatzen du artxiboak. Makusin bildutako dokumentuak, ahal den neurrian, CC BY-SA lizentzia librea daukate, herritarrek edukiak ikusi, berrerabili eta hedatzeko aukera izan dezaten, beti ere lizentzia berdinapean. Beste eduki batzuek aldiz, Copyright lizentzia dute eta horiek Medialabeko espaziotik soilik ahal dira erreproduzitu eta ikusi. Sortzen diren edukiak Medialab Tabakalerarekin parteka daitezke medialab@tabakalera.eus helbidera bidaliz.
Artxibo bilduma hauek denborapasa ere badira. Horretarako bertan sartu, galderak luzatu eta eduki interesgarri asko aurkitzeko aukera dago. Eduki batek bestera eramaten gaitu eta bideo, argazki, proiektu e.a-ren arteko harremanak deskubritzearekin batera, ikasi, sortu, experimentatu eta gozatzeko bideak irekiko dira.
Ondorengo funtsek osatzen dute orain Makusi. Proiektu hau elikatzeko eta handitzeko asmoz beste funtsa batzuekin lanean gabiltza.
Antolamentuari dagokionez Makusiko artxiboko helburu nagusia dokumentu guztiek testuinguru baten barruan aurkeztea da, hori dela eta egitura hierarkikoa dauka. Funtsa bakoitzaren barruan dokumentu ezberdinez gain proiektuak, xedeak eta ekintzak aurkituko dituzu.
Artxiboetako edukiak hobeto deskubritu eta gai ezberdinen inguruan eduki jasoketak egiteko modu bat dira Makusi proiektuan azaltzen diren Bildumak. Horiek Medialab Tabakaleran komisariatu edo performaturiko eduki-aukeraketa edo -multzoak dira eta gai, sortzaile edo eduki konkretuen inguruan sortzen dira.
Kasu batzuetan funts bakar batean oinarrituta eta, beste batzuetan, funts ezberdinetan arakatuta sortutako eduki-multzo aberatsak dira Bildumak.
Denboran zehar Bilduma ezberdinak prestatu eta eskura jartzen joango gara.
Makusi artxiboa hau eta beste gauza asko da. Ezagutzera, saltseatzera eta bizitzera gonbidatzen zaitugu. Bidelagun izango gaituzu.
Edozein zalantza edo jakinarazpen helarazi nahi diguzula helbide honetan jar zaitezke gurekin harremanetan medialab@tabakalera.eus
