Atlas_Plaka

Fanzinea gorputz narratibo gisa.

Urteko proiektua, fanzineak adierazpen-, elkarrizketa- eta esperimentazio-tresna gisa dituen aukerak esperimentatzeko aitzakia. 10 saiotan zehar, fanzinea gorputz narratibo gisa aztertuko dugu.

Gorputza izaki bizidun bat osatzen duten sistema organikoen multzo gisa ulertuta, giza gorputzak emango digu fanzine gorputza esploratzeko aukera.

Saio bakoitzak giza gorputzaren zati bat izango du abiapuntu, eta hainbat dinamika proposatuko dira saio horretan bertan hasi eta amaituko dugun fanzine kolektibo baten edukia eta formatua lantzeko. Gure atlasa esku, garun, oin, ile, bihotz, begi, zilbor, bizkarrezur, heste eta larruz osatuta egongo da.
 

Saioak:

Urtarrilak 29 – Eskuak – gaztelaniaz

Lehenengo hitzordu honetan eskuak izango ditugu hizpide. Gorputzean zer funtzio duten eta horiek sortzeko, heltzeko, apurtzeko eta, kasu honetan, agurtzeko eta ongietorria emateko nola gai diren ikertuko dugu.
 

Otsailak 26 – Garuna – gaztelaniaz

Idazteko ariketa eta jolasen bidez, gure fanzine gorputzaren historia, oroitzapenak, nortasuna eta sekretuak sortuko ditugu.

Martxoak 26 – Oinak – euskaraz

Gure oinen eta lurzoruaren arteko harremana hartuko dugu abiapuntutzat. Lurzorua gure urratsen eta aztarnen lekuko izanik, omendu egingo dugu gure fanzinearen edukia osatuko duen ariketa dibertigarri batekin.