POV (2025)

Hilean behin kultura digitalak sortutako fenomenoak, mirariak, produktuak eta hondarrak irensteko, partekatzeko eta eztabaidatzeko elkartuko gara. NPC edo AI companions bezalako gai berrienetatik hasi eta denboraz kanpoko gaietaraino, hala nola Fedibertsoa edo folklore digitala. POV saioak talde-terapia moduko bat dira, gaur egun elkarrekin bizi diren errealitate askotarikoak eta hibridoak, eta teknologiak haiengan duen eragina, nabigatzen laguntzeko.

Topaketa bakoitzaren aurretik, irakurketa, ikuste, entzute eta/edo jolas-materialen zerrenda txiki bat partekatuko da parte-hartzaileekin, eta modu aktiboan ekarpenak egitera gonbidatuko dira, erlazionatutako beste eduki batzuk gehituz. Saioan zehar, material guztiak partekatuko dira, komunean jartzeko eta horien inguruko elkarrizketei ekiteko.

Saioak:

Urtarrilak 23 – Zabor Digitala

Digitaltasunak zer hondakin mota sortzen dituen ulertzen saiatuko gara, zer hartzen dugun zabortzat eta zer ez, zer egiten dugun horrekin eta nola alda genitzakeen gure ohiturak, nahi izanez gero.
 

Otsailak 20 - Fedibersoa eta sare korporatiboen alternatibak
Hainbat konpainia teknologikoen jabeek babestutako Trumpen AEBko gobernuaren itzulerak, haienganako gaitzespen handia eragin du. Asko dira sare sozial korporatiboen, mezularitza aplikazioen eta eduki plataformen aurka agertu diren pertsonak. #vamonosjuntas bezalako kanpainek, Fedibertsoa osatzen duten espazio digital alternatiboetara migrazioa sustatu dute, non aplikazio deszentralizatu eta autogestionatuak, datu pribatuen komertzializaziori, publizitaterik eta edukien kudeaketa algoritimikoari uko egiten dioten.

POVeko saio honetan, gizartearen erantzuna eragin duten arrazoiei, dauden alternatibei eta funtzionatzeko moduei buruz hitz egingo dugu.

Martxoak 13 – Gamifikazioa

Hainbat arlotan, hala nola irakaskuntzan, kulturan edo marketinean ematen den gamifikazioaz, mekaniken erabileraz, logikez eta jokoen elementuez eztabaidatuko dugu. POVen azken saioko partaideek proposatua, bizitzaren ludifikazioaz eta bere abantaila eta eragozpenez hitz egingo dugu, baita bideojokoen popularizazio izugarriaz ere, zinearen edo musikaren gainetik entretenimenduaren industriarik garrantzitsuena bihurtuz.

Apirilak 24

Maiatzak 22